សាច់ភ្លេងចំរៀង និង ខ្លឹមសារចំរៀង, អ្នកចូលចិត្ត មួយណា?

អ្នកអាចភ្លេចសំដី ដែលអ្នក បាននិយាយម្សិលមិញ ឬ ដែលអ្នកណានោះ បាននិយាយ ជាមួយអ្នក ម្សិលមិញ ប៉ុន្តែអ្នកនៅចងចាំ គ្មានភ្លេច សាច់ភ្លេង និងខ្លឹមសារ នៃចំរៀងស្នេហាជាតិ នៃចំរៀងមនោសញ្ចេតនា នៃចំរៀងដាស់តឿនអារម្មណ៍ ដែលអ្នក ធ្លាប់បានឮ ឬ ធ្លាប់បានស្តាប់ ឬ ធ្លាប់បានច្រៀង កាលពី ១០ ២០ ៣០ ឆ្នាំកន្លង ពេលអ្នក នៅជាកុមារ ឬ នៅជាយុវជន។

ចំរៀង ពិតជាមានឥទ្ធិពលខ្លាំង លើអាម្មណ៍អ្នកស្តាប់។

ចុះ អ្វីរបស់ចំរៀង ដែលធ្វើអោយ អារម្មណ៍ពួកអ្នកបានស្តាប់ ចងចាំ ១០ ២០ ៣០ ឆ្នាំ ឬ មួយជីវិត របស់ពួកគេ?

ជាការពិត, អ្នកខ្លះចូលចិត្តស្តាប់ចំរៀង ព្រោះតែសាច់ភ្លេងចំរៀង ញាក់រង្គើ ឬ លន្លង់លន្លោច បណ្តែអារម្មណ៍,

រីឯអ្នកខ្លះទៀត ចូលចិត្តស្តាប់ចំរៀង ព្រោះតែខ្លឹមសារចំរៀង ស្រដៀងរឿង របស់អ្នកស្តាប់ ឬ ស្រដៀងរឿង របស់ប្រទេស ឬ បង្ហាញភាពស្នេហាជាតិ បង្ហាញអនុស្សាវរីយ បង្ហាញព្រៃព្រឹក្សា ធម្មជាតិ មាតុភូមិខ្មែរ … ច្រើនទៀត។

ចុះអ្នកវិញ ជាកូនខ្មែរ, អ្នកចូលចិត្ត សាច់ភ្លេងចំរៀង ឬ ខ្លឹមសារចំរៀង? ហេតុអី?

បញ្ជាក់ផងដែរ ៖

ជាទូទៅ, ខ្លឹមសារចំរៀង របស់ខ្មែរ ត្រូវបានតែង តំរូវតាមសម័យកាល នៃរបបនយោបាយ នៅប្រទេសខ្មែរ។